WA pa gihapon molurang ang pagpanaway sa amahan ni Floyd Mayweather Jr. kang pound-for-pound champion Manny Pacquiao, mas nagkagrabe na hinuon.

Si Floyd Sr. nagkanayon nga kuwang sa pangutok si Pacquiao sa pagbailbad niini sa $40 million aron makig-away sa iyang anak.

Click here for stories and updates on the Sinulog 2010 Festival.

Gikuwestiyon niya ang rason sa Pambansang Kamao sa Pilipinas nga maluya kini kon kuhaan og dugo. Asoy niya nga angayan gyud untang gikonsiderar ni Pacquiao ang kadako sa premyo sa duha ka mga boksidor kon nadayon pa ang ilang away.

“Who wouldn’t fight for that kind of money, unless they’re dumb, stupid and crazy. I think it was $40 million, something like that. They will both get that kind of money,” batbat ni Floyd Sr. sa interbyu sa ABS-CBN North America News Bureau.

Ang kontrobersyal nga trainer nagkanayon nga dili manumbaling ang kalibutan sa boksing sa pagpakig-away ni Pacquiao kang Ghanaian Joshua Clottey karong Marso 13 sa Dallas Cowboys Stadium.

Hinuon malaumon gihapon si Floyd Sr. nga madayon ra gihapon ang away nila ni Pacquiao ug Floyd Jr. sa umaabot nga mga adlaw. Wa madayon ang premirong negusasyon tungod sa Olympic Style drug testing nga isyu.

“The question that people want to know is why didn’t Manny Pacquiao and Floyd Mayweather fight? It wasn’t my fault! I’m not duckin’ and dodgin’ nobody. 40 have came and 40 have came up short,” dugang ni Floyd Sr.

Si Floyd Jr. nakakita na sab og laing away batok kang Sugar Shane Mosley karong Mayo 1 sa MGM Grand Garden Arena sa Las Vegas, Nevada.