SUPERBALITA DAVAO

Lokal Kasikas: ‘Pulangui’ Best Film sa 16th Mindanao Film Festival

ANG short film nga “Pulangui” ni Bagane Fiola maoy mida-ug nga Best Film Award sa 16th Mindanao Film Festival awards night, Lunes sa gabii, Disyembre 10 sa Taboan, Matina Town Square.

Ang pelikula naghisgut labot sa duha ka magsuong nabuwag tungod sa giyera, apan nagkakitaay sab og usab tungod sa ilang pagsalig ni Allah.

Gikuhaan ang movie sa Maguindanao, gisuportahan sab kini sa Office of the Presidential Adviser to the Peace Process (Opapp).

Apil sab kini sa ABS-CBN Cinema One Originals Film Festival karon nga tuig.

Mitunol sa Best Film Award mao si Film Development Council of the Philippine chair Liza Diño-Seguerra nga mi-anunsiyo sab nga ang FDCP makig-collaborate sa Mindanao Film Festival sa paggama og film lab sunod tuig diin may upat ka short films ang mapili nga hatagan og P100,000 grant.

Ang modaug ng movie gikan sa upat, hatagan og production grant nga one-million pesos aron i-shoot ang full-length feature niini.

Ubang mananaug sa film festival mao ang mosunod:

Best Original Song - Mangarap Ka of Dante the Musicale

Best Musical Score - Noi Narciso’s “Wala’y Nidanguynguy”

Best Sound - Willie Apa Jr. “Pulangui”

Best Production Design - Rodel Hilado “Rufyla”

Best Editing - Genesis Godwino and Yen Morales “Talang”

Best Cinematography award - Daniel Clark Cabantan sa “Plastic Mirror”

Best Animated Film - Chase

Best Student Film - Midnight Epiphany

Best Documentary - Sa Palad ng Dantaong Kulang

Best Screenplay - Rosette D. Caoile sa “Chase.”

Samtang si Gabriel Doromal sa “Midnight Epiphany” giilang Best Actor samtang si Mareal Anne Naquin sa “Miya” ang Best Actress.

Si Jewel Maranan mao say Best Director sa “Sa Palad ng Dantaong Kulang.”

Gihatag sab ang Special Jury Commendation on Visual Effects sa “3021” samtang ang Special Jury Prize gihatag sa “Plastic Mirror.”

Ang “Kapitan Ele” midaug sa Best Shoutout ug ang Box Office champion mao ang short film nga “Tinik.” Box Office Runner-up sab ang “I Surrender.”

Nagsilbing hurado sa 16th Mindanao Film Festival ang mga filmmakers nga sila Benjie Garcia ug Tim Rone Villanueva lakip na ang film and TV actor Mon Confiado. (PR)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph