MAAYONG Pasko!
Musta po? Nangabutod na ba ang inyong mga tiyan sa daghang party nga naadtoan? Atong hinumdoman nga dili moapil sa party kung wala imong name sa listahan aron dili ta maulawan.
Enjoy the food pero hunahunaa ang mga sakit nga atong makuha kung masobrahan ta'g habhab sa mga pagkaong tambok, tam-is, parat ug uban pa. Klaro ba?
Mahimo kitang mas responsable sa atong panglawas, pare, aron dili mogasto sa tambal ug pa-ospital ang atong bonus (kung duna) ha ha!
Sa pagkatinuod, daghang anaa gihapon sa krisis sa panginabuhian dinhi sa among dapit. Sa inyo pod bah? Gani, sa kasamtangan, wala pa koy pangpalit og bag-ong sapatos ug sinina alang sa akong nag -inusarang anak.
Unsa na lang kaha tong daghan og anak no? Nangatol pod ba kaha ang ilang mga ulo?
Bitaw, lingaw man gayud ang Pasko kay gawas sa makadawat og bonus ang mga empleyado, daghang kaayo ang napuno sa espiritu sa pagkamaginhatagon kay mao man kini ang atong tinuohan ug kultura nga manghatag tungod kita pod nakadawat og maayong gasa (sa kapasayloan ug kaluwasan -sa modawat lang) pinaagi sa pagkahimugso ni Kristo sa kalibutan, higala.
Tungod adunay Christmas Party sa eskuwelahan, buhatan, sa mga higala, pamilya ug tapuktapok sa kasilinganan, nanginahanglan gayud kini og “budget” no?
Maglisud gayud kita'g pa-party kung wala may sulod atong bulsa, mare. Personally, gisabot ug gipasabot na nako akong anak nga pigado mao dili lang pabongga, seguro. Mora'g nakasabot yata siya kay ning ingon lang man og, “okey ma.”
Sa pagkatinuod, dili man kinahanglan mogasto'g dinagko nga ang mahimo mangutang na lang aron mapalit ang gusto nga mga matang. Si Kristo gani sa “manger” o sabsaban ra so dili kinahanglan magpabongga.
Akong pag-ampo nga malinawon nga kinabuhi uban sa akong pamilya ug paglahutay sa matag-adlaw nga hagit nga atubangon namo higala. Mao pod akong panghinaut alang kaninyo nga kauban nako matag-Sabado dinhi sa SuperB.
Merry Christmas po! #behappy