Ricardo Malubay Tubio Sr.
Bagong Silang UNO, Brgy. Washington,
Surigao City
Ang tawo nabuhi ning kalibutan
Nga kanunayng gihadla sa mga gumonhap:
Kasakit, kabangisan ug kawad-on.
Siya nahisama sa gapnod naglutaw-lutaw
Sa dakong lawod sa kinabuhi
Nga sa matag karon ug unya
Kusukusuon sa mapintas nga mga balod
Hangtod ianod sa sulog ngadto sa
Kawalaan nga wala nay paglaom.
Apan tungod sa iyang pagpanlimbasog
Siya mibarog da nga nagmadaugon
Samtang kadtong mga balod
Nga nagtampalas kaniya
Nangapusgay inig abot sa baybayon.