Dear Noy Kulas,
Good day! Tawga ko og Benny, 25 years old, single pero taken na. Mao ni akong problem.
Naa koy girlfriend for three years na. We love each other so much pero nahibung ko diin ko nasayop. Nag-save na mi og kwarta para sa among future since paglapas namo og one year. Joint account namo. Ako ning gi serious kay love kaayo nako siya. Pinangga nako siya ug wa nako siya pasakiti. Pero ako na ang nakasakitan og maayo.
Would you believe, Noy Kulas, in our three years, kutob ra ko sa kupot sa kamot ug kiss niya. Respect lagi ko niya kay ako unta siyang dad-on sa marriage nga wa nako mahilabti. Pero naunsa bang pagkaunsaa nga nimabdos man siya bisan wa nako hilabti. Nahibung ko kay nagkatambok ug nagkadako ang iyang tiyan. Niangkon siya nga mabdos siya ug ang amahan iyang kauban sa work kay nagkakuyog sila few times ug nahubog. Dunay nahitabo nila ka usa ra kuno ug wa siya mag expect nga momabdos. Nangayo siya og pasaylo nako ug second chance kay di niya love ang lalake. Nadala ra kuno siya sa iyang kahubog.
Noy, naglibog ko karon kon ipadayon ba pa nako ang among relasyon. Love nako siya pero di sab malabwan akong kalagot niya. Unsa man ang akong buhaton? Please tambagi ko.
BENNY
Benny,
Ayaw una pagdesisyon samtang naa ka pa sa kasuko. Natural kaayo na nga reaction nimo kay bisan kinsa nga luiban, maglagot gyud, labina kay grabe ang imong trust. Unya di ni siya easy journey kay it will take a longer time and bumpy kaayo ang inyong agian. Kon di mo magbuwag, magsige mog away until mo-settle na ang tanan. Pero ambot kaha kon makakita ka sa iyang tiyan ug sa bata mismo.
Mas maayo karon mag cool off mo kon di ka makaako sa pagbuwag sa hingpit. Mas maayong wa moy communication ning panahuna samtang init pa ang sitwasyon. Take your time off sa iyaha for a few months. Tan awa kon wa siya sa imong kinabuhi, okay ra ba nimo. Kay kana ra ba kon magkuyog mo kay nagtuo kang nakapasaylo ka, ang imong kasuko niya mokalit ra nag balik unya mag-away na sab mo.
Lastly, pag-ampo sa Ginuo. Pangayog giya Kaniya ning imong gisinati nga kasakit. Unya, ayaw ibutang sa social media ang inyong problema. Keep it private as much as possible.
NOY KULAS
Alang sa imong problema, e-mail sa kulassuper@sunstar.com.ph ug rojval69@yahoo.com