GILANGKAT sa Cebu Movers ang ilang ikatulong sunodsunod nga kampiyonato pinaagi sa paglubong sa Gladiators 126-77, sa bag-o lang natapos nga Game-On 3rd Warriors Cup basketball tournament sa Cebu Coliseum.
Sa sayo pa, nasakmit sa Cebubai.com ang ikatulong pwesto human sa kulbahinam nga kadaugan 90-84 batok sa Carmen Memorial Cup.
Si Lemuel Malagar, kanhi sakop sa UV Baby Lancers, maoy nangharos sa individual awards maoy nahimong most valuable player sa season, Finals MVP ug best player of the game, human kini mipugnit og 36 puntos.
Midugang og 19 si Franco Te samtang 13 ang naamot sa kanhi MVP nga si Pablo Sullano alang sa Cebu Movers.
Nangulo sa Gladiators si John Capuyan.
Mga puntos:
Unang duwa:
Cebubai.com (90)- Padillo 17, Dela Fuente 16, Antoyan 10, Mandawe 8, Espinosa 8, Ganon 7, Rosialda 7, Simon 4, Unilongo 4. Carmen Memorial (84) - Mendoza 14, Orosio 10, Jayme 6, Tiempo 6, P. Bender 6, Tarranza 4, Baguio 4. Saavedra 2. Pili 2, Onglao 2.
Ikaduhang duwa:
Cebu Movers System (126)- Malagar 36, F. Te 19, Sullano 13, Mercado 12, Oporto 12, Echevarria 10, Dajao 6, W. Pacencia 5, B. Te 4, Seno 2, Murcia 2, Mauro 2, Cadampog 2. Gladiators (77) - Capuyan 19, Liam 13, Yao 11, Moneva 11, Aratea 7, Trinidad 5, Go 2, Millan 2. PR