SECTIONS
Friday, July 19, 2019
SUPERBALITA CEBU

40 kilo shabu; 76 patay

MOABOT ngadto sa P275 million ang balor sa gituohang shabu ang nasakmit sa Police Regional Office 7 sa 6,469 ka anti drug operations gikan sa Disyembre 5, 2017 hangtod Nobiyembre 30, 2018.

Ang tanan motimbang sa 40,575.43 gramos kun kapin sa 40 kilos.

Sa maong operation, nasikop nila ang 9,395 ka drug personalities diin 182 niini nalakip sa watch list sa kapulisan ug 76 na usab ang namatay sa police operation nga nalambigit sa ilegal nga drugas itandi sa 87 sa 2017.

Matod ni PRO 7 Director Chief Supt. Debold Sinas nga sa 76 nga napatay, pulos kini lihitimo nga anti drug operation, diin ang mga pulis nidepensa lang sa ilang kaugalingon.

Nahimong kontrobersyal ang kapulisan human sa sunod-sunod nga patay sa paglingkod ni Sinas isip PRO 7 director.

Gawas sa nasakmit sa gituohang shabu, moabot usab sa 286 kilos sa marijuana ang ilang naibot sa mga marijuana plantation ug 23 ka Ecstacy ang nasakmit.

Matod ni Sinas nga sa iyang termino isip pangulo sa kapulisan sa rehiyon 7 nga nagsugod niadtong Hunyo 2018, nakasakmit na sila og kapin 25 kilos sa gituohang shabu kun 75 percent sa tanang nakuha sa kapulisan.

Cebu City no. 1

Sa mga dapit sa Central Visayas, sa syudad sa Sugbo nakuha ang labing daghang ilegal nga drugas.

Iyang gipasabot nganong daghan ang ilang nakuha nga drugas tungod kay wala na sila mo-focus sa gagmay nga players nga makuhaan lang og ginagmay nga butang.

Nag-target matod pa ang tanang pulis sa mga big time drug courier ug supplier hinungdan nga mabantayan ang daghang shabu nga masakmit.

“You know the recovery of drugs, it only shows that we have intensified and we are targeting high value. We refrain from arresting yung masyadong maliliit,” matod ni Sinas.

Internal cleansing

Sa internal cleansing sa PRO-7, 52 na ang napasakaan og kaso sa 68 ka personnel nga gipaubos sa imbestigasyon ug 15 niini nasuspenso sa trabaho, 10 ang na dismissed, usa ang gipaubsan ang ranggo, duha usab ang na abswelto sa kaso ug 40 pa ang padayon pang giimbestigahan apil na niini kadtong tulo ka pulis nga aksidenteng nakapusil patay kang SPO1 Roderick Balili.

Shabu na sab

Mokabat sa P5.7 milyones nga kantidad sa ilegal nga drugas ang nasakmit sa Mambaling police station alas 2:45 sa Biyernes sa hapon, Disyembre 14, sa sitio Upper Pailub, Barangay Sambag 2, siyudad sa Sugbo.

Ang nasikop mao silang Dennis Torecampo Narvasa, alyas Badin, 40, ug Wynnel Enriquez Estriba, 34, nagpuyo ra usab sa maong lugar.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph