DOST: Sehinsya, teknolohiya angaya’ng masayran sa katawhan

GIBUTYAG sa Department of Science and Technology (DOST) kung unsa ka importante ang papel sa media sa pagpahibalo sa katawhan kung unsa ka importante ang sehinsya ug teknolohiya.

Sa pakighinabi kang DOST Under Secretry Carol Yorobe, mibutyag siya nga importante ang papel sa media sa paghatod sa mga impormasiyon.

“Kanang results of research, mga technologies nga angayan ba nga e-adopt sa bisan unsa nga sector basta nga makabenisyo ang mga tawo kinahanglan nga mapasundayag sa mga tawo nga mao ang teknolohiya, mao ni ang benepisyo makuha ani para masabtan nila unya gaan ang pagdawat sa teknolohiya,” pahayag ni Yorobe.

Dugang niini nga ang gipahigayong training makatabang tungod ang mga researchers mga scientist ug eksperto sa paghatod sa impormasiyon.

Sama na lamang sa ilang mga gipahigayong mga drug discovery program sa mga herbal products sa nagkadaiyang dapit sa nasud, nga mga traditional medicines, diin mga herbs nga pwedeng himuong supplement nga makatabang sa katawhan ang angayan usab nga masayran sa tanan.

Gipahigayon ang media training workshop (Simplifying science) sa nagkadaiyang mga media gikan sa radyo, print, ug broadcast niadtong Disyembre 12 ug 13 sa Limketkai Luxe Hotel. (KCS)