NAGBUKAS sa labing una nga premier concept store sa Mindanao ang Oppo, Disyembre 7, sa Gaisano Mall of Davao, Bajada, dakbayan sa Davao.
Ang Chinese brand usa lamang sa smartphone brand sa Pilipinas nga gikuninitan sa mga Pinoy, ilabina nga paspas sab ang pagguwa sa ilang mga high-end, ug kalidad nga units.
Usa sa nakiglingaw-lingaw atol sa opening ang Kapamilya actress ug bida sa seryeng Araw Gabi nga si Barbie Imperial.
Ang aktres init nga gisugat sa mga fans niini nga nagpaabot kaniya.
Sa pakigtsikahan sa Superbalita Davao ngadto sa dalaga, gisulti niining ika-duhang beses na niyang nakatuntong sa Davao, ug always nga lingaw ang matag higayon nga ma-meet niya ang mga fans.
Human matapos ang serye niyang Araw Gabi with JM Guzman, gidugang sa aktres nga pahuway una siya karon.
“For now rest muna tayo, medyo matagal-tagal din kasi yung series natin, medyo napagod din po.”
Apan gidugang sa dalaga nga next year daghan og angay nga atangan kaniya ang mga fans sa mga projects nga iyang himuon.
For now, busy ang dalaga sa mga guestings ug isip bida sa Wansapanataym series nga “Swith Be With You.”
Sa pikas bahin, gibutyag ni Barbie nga sama niyang mahilig sa selfie, bet niya ang phones nga quality ang camera.
“Mahilig kasi ako sa selfie, so love ko yung Oppo phones kasi nga sa mga stickers and the quality na rin ng photos.”
For now, gibandera sa Oppo ang flagship model nilang R17.
Sa ilang bag-ong bukas nga concept store, ma-experience sa ilang konsumante ang features sa 6.40-inch nga smartphone.
Kini may 8GB sa RAM ug 128GB sa internal storage ug 3500mAh battery.
Sa mga selfie lovers, swak gyud kaayo ang 16-megapixel primary camera ug 5-megapixel secondary camera sa rear ug 25-megapixel front shooter sa selfies.
Ang pagbukas sa bag-ong concept store gitambungan nila Ryan Marivillles, Oppo Key Account Manager; Jason Lu, finance manager sa Banana Telecommunications Inc., Kelvin Gaisano, nanag-iya sa Gaisano Mall Davao, Mandy Lu; Zen Han, VP Channel Sales; Jane Wan; Hector Lao, General Manager sa Banana Telecommunications Inc.