MAGUINDANAO PROVINCE -- Hugtanon nga gibantayan sa militar ug kapulisan ang mga miyembro sa Bangsamoro Islamic Freedom Fighters (BIFF) ug mga teroristang pundok.
Walay kasikas nga gilusad ang BIFF sulod na sa usa ka bulan sa probinsiya sa Maguindanao ug North Cotabato.
Kini mismo ang gikompirma ni 6th Infantry (Kampilan) Division Spokesman, Major Arvin Encinas.
Gidudahan nga nangandam ang BIFF sa paglusad og halapad nga pagpangatake hinungdan nga gibantayan pag-ayo sila sa mga awtoridad.
Daghan ang nagtuo nga posibleng nagtigum lamang og mga bala ang BIFF ug subling mangatake.
Kahinumdoman nga niadtong miaging bulan sunod-sunod nga nangatake ug namomba ang BIFF sa Maguindanao.
Gawas sa BIFF, gibantayan sab sa mga sundalo ug pulis ang mga teoristang pundok nga nakig-alayon sa grupo ni Shiek Esmail Abdulmalik, alyas Kumander Abu Toraife. (Edgar E. Fuerzas)