Pulis mopatrolya sa mga simbahan bisan sa New Year

KAPULISAN sa dakbayan sa Mandaue naka-full alert status na sugod sa kagahapon, Sabado, Disyembre 15 sa pagsugod sa Misa de gallo karong adlawa.

Gawas sa police assistance desk nga ipahimutang sa gawas sa mga simbahan ug presensya sa kapulisan, mga patrol car sa tanang unom ka police station sa Mandaue City Police Office makita nga mag-roving, ilabi na duol sa entrance ug exit sa mga simbahan sa syudad.

Ang matag estasyon sa Mandaue City aduna nay tag-tulo ka patrol cars.

Samtang ang tactical motorcycle response unit (TMRU) mopahigayon usab og police visibility ug back-up sa mga patrol car, kon ugaling adunay alarma nga kinahanglang respondehan.

Aron usab makatabang sa pagbantay sa mga sudlunon nga lugar, diin pipila ka mga balay ang mabyaan sa mga tagbalay nga mosimba, ilabi na sa unang misa de gallo, ang police sa barangay uban ang mga barangay tanod mo-roving.

Sa tungang gabii pa lang naka-estasyon na ang mga police alang sa siya ka Misa de Gallo.

“Sa mga lugar sama sa Mandaue City, diin susama’g di mangatug ang mga tawo, Sabado sa gabii pa lang, gikan nag-roving atong kapulisan sa mga establishment nga daghang tawo, lahos na sila diha sa mga simbahan. Until na gyud na mahuman ang misa atol na gyud sa Pasko, ug alang na pud unya sa New Year’s eve,” pagpasabot ni Entoma.

Gawas sa presensya sa kapulisan, hangyo usab ni Entoma sa publiko nga mao na mismo ang magmabinantayon, ug pagreport dayon sa mga kadudahan nga tawo ug butang ngadto sa hotline sa mga police station aron malikayan nga mabiktima sa bisan unsang dautang elemento o ang madisgrasya. FMD

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph