MOKABAT sa P11.2 milyones nga kantidad sa shabu ang nasakmit sa kapulisan sa managlahing mga operasyon batok drugas sa Sabado sa hapon, Disyembre 15, sa dakbayan sa Sugbo.
Sa usa ka operasyon mga usa ka kilo kapin dayon ang ilang nakuha. Parehong mga babaye ang mga suspek sa maong mga buy bust operation.
Pasado alas 4:10 sa hapon kagahapon dihang nasikop si Jeanrea Tabalin, 21, sa Sitio Camansi, Brgy. Mambaling, Cebu City.
Ang Pardo Police Station mao ang nihimo sa operasyon diin niabot sa 13 ka dagkong mga pakete ug tagsa ka medium ug extra large nga pakete ang nasakmit.
Aduna’y gibug-aton ang nasakmit nga 1.6 kilos diin sa street value anaa sa P10.6 milyones.
Pipila ka minutos ang nakalabay sa Quijano Compound, Brgy. Calamba, dakbayan sa Sugbo, nasikop usab si Gertrudes Delos Santos, 49, residente sa Sitio Looban, Brgy. Tejero, dakbayan sa Sugbo.Nasakmitan siya og shabu nga aduna’y gibug-aton nga 100 gramos nga nagkantidad og P680,000. HBL, AYB