Alvarez mi-TKO ni Fielding

NASUNGAG: Usa ka solidong upper cut ang gibuhian sa Mexicanong si Canelo Alvarez (wala) ngadto sa apapangig ni Rocky Fielding sa England niining aktoha sa third round sa ilang away Disyembre 16 sa WBA super middleweight world championship fight sa Madison Square sa New York. (AP)
NASUNGAG: Usa ka solidong upper cut ang gibuhian sa Mexicanong si Canelo Alvarez (wala) ngadto sa apapangig ni Rocky Fielding sa England niining aktoha sa third round sa ilang away Disyembre 16 sa WBA super middleweight world championship fight sa Madison Square sa New York. (AP)

KAUPAT gitumba ni Mexican Canelo Alvarez si British Rocky Fielding sa iyang pagposte og 3rd round TKO nga kadaugan sa malampuson niyang paglangkat sa World Boxing Association (WBA) super middleweight title kagahapon sa Madison Square Garden sa New York, USA.

Binulto nga body punches ang gibuhian ni Alvarez aron paundangon si Fielding ug angkunon ang iyang ikatulong world title sa managlahing weight division.

Sa 73 ka mga kumo nga napasulod ni Alvarez, 35 niini ang miigo sa lawas ni Fielding.

Gipasabot ni Alvarez nga mao kini ang ilang plano sa pagsaka niya’g timbang, atakihon sa bodega si Fielding.

“That was the plan in the gym, to hit the body and then move up, and that’s the result,” asoy ni Alvarez pinaagi sa interpreter. “You see the result here.”

Si Alvarez, 28, maoy ikawalong Mexican fighter nga nakalangkat og world titles sa tulo ka lahi nga weight divisions.

Sa plano ni Alvarez, mokanaog siya sa middleweight division aron makig-away og balik kang Gennady Golovkin sa sunod tuig.

Sa premiro nilang away, midaog si Alvarez pinaagi sa kontrobersyal nga desisyon, tulo na ka mga buwan ang nakalabay.

“Canelo will fight whoever is the best, no doubt about it,” matod sa promoter ni Alvarez nga si Oscar De La Hoya.

Nagkanayon si Alvarez nga wala siya’y pilion nga away gumikan kay ang importante alang kaniya mao ang kon unsa’y gusto sa publiko.

“My goal is to make good fights for the people, for the public, and to make sure the name of Canelo Álvarez and of Mexico is held up high, ” batbat ni Alvarez.

Sa iyang bahin, si Fielding mipasalig nga mobawi siya gikan ning maong kapildihan.

“I never shied away from the challenge. I lived the dream, I’ll come back,” matod ni Fielding.

“He is strong and all that. It was the body shots, the wind he took away. He placed the shots well and he caught me. I stood too long to try to mix it with him when I shouldn’t have. The better man won tonight.”

Si Alvarez misaka sa 51-1-2, 35KOs nga rekord samtang si Fielding nahagbong sa 27-2, 15KOs nga baraha. (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph