ANG makabilib nga dance moves sa University of Mindanao (UM) ang mipatumba sa laing 14 ka partisipante sa 1st Felcris Inter-School Street Dance Competition niadtong Disyembre 8 sa Davao City Recreation Center.
Ang grupo mibitbit og premyong P200, 000 nga cash ug tropeyo nga gidesinyo mismo sa usa ka Dabawenyo artist nga si Brando Cedeno.
Luyo sa grupo, midawat sab og P100, 000 cash ang tunghaan.
Ang UM sab ang midaug sa Shopper's Choice contest, human mihakot og 26,000 ka boto, diin sila may dugang P50, 000 nga premyo.
Nabutang sab sa ikaduhang pwesto ang Philippine Women's College nga unique sab ang konsepto sa tugtog ug costume.
Nakuha nila ang P100, 000 plus P50, 000 sa tunghaan.
Ang University of the Immaculate Conception nabutang sa ikatulo, nga may P50, 000 ug laing P25, 000 sa ilang eskwelahan.
Fourth placer sab ang Bernardo D. Carpio National High School, nga midaug og P20, 000 ug P10, 000 sa ilang tunghaan.
Samtang ang Davao City National High School sab mipauli og P50, 000 cash human midaug as Online Choice award.
Way miuli nga naghilak tungod ang fifth ngadto 10th Placer nga team may tag P10, 000 ug P5, 000 sa ilang tunghaan.
Ang 11th ngadto 15th placer may tag P5, 000 ug P3, 000 ang ilang tunghaan.
Nagsilbing hurado ang Kapuso artists nga sila Rodjun Cruz ug Sef Cadayona.
Gigisa sab ang mga participating teams nila Patrick Mabanta (Manila), Ken Mijares (Cebu) ug John Rey Tabaloc.
Suma pa nga human sa kalampusan sa aktibidad karon nga tuig, gilantaw ang mas halapad nga kontest next year.
Tumong niini nga mahiusa ang mga dance crews sa siyudad sa mas dako ug makalingaw nga street dance competition.