SUPERBALITA DAVAO

Genoguin: Martial law di kahadlokan

Kontra Balanse

NAGDESISYON na ang Commander-in-Chief sa armadong kusog sa Pilipinas, Presidente Rodrigo Duterte nga lugwayan ang martial law dinhi sa Mindanao, pero bag-o siya mihukom, gihulat usa niya ang intelligence report gikan sa armadong kusog, ug gikan sa Philippine National Police (PNP), labaw sa tanan gikan sa han-ay sa mga magpapatigayon.

Positibo ang resulta, bisan pa sa mga yanong lungsuranon ilang nagustohan ang martial law dinhi sa Mindanao, ug gani usa ka negusyante atong nahinabi, naghinay daw ang koleksiyon sa mga armado sa kabukiran sa ilang pagpangulekta og ilegal nga buhis ug kini epekto sa martial law.

Lahi kini nga balaod militar kung imong itandi sa martial law ni kanhi Presidente Ferdinand E. Marcos, nga nagkalat ang mga checkpoints ug dunay pagpangabuso sa mga sibilyan, gani bisan tuod kung ania kita sa martial law karon, nag-function pa gihapon ang atong hudikatura.

Si Satur Ocampo ug ang mga kaubanan niini nga giingong nangidnap og mga menor de edad didto sa lungsod sa Talaingod, Davao del Norte, nakapiyansa alang sa ilang temporaryong kagawasan.

Bisan pa sa adlaw-adlaw nga balita nga atong na-monitor gikan sa ubang dapit sa Mindanao, walay pagpangabuso gikan sa mga kasundalohan ug kapulisan.

Sukad Mayo 23, 2017, sa pagdeklara og martial law sa atong presidente, 119 ka bulan na pagkatapos niining tuig 2018 pero sa kinatibuk-an malinawon ang atong Mindanao.

Martial law di kahadlokan sa mga tarong nga tawo, kadtong mga masinupakon ug mga badlongon sa atong katilingban maoy gusto nga wagtangon kini.

Ang pipila ka senador ug kongresista nga to-a nagpuyo sa Luzon mao ang nagpunay og singgit nga wagtangon ang martial law, pero sa tuod lang, kita nga taga Mindanao maoy labaw’ng nasayud kung maayo ba kini o dili, kita ang nakabenepisyo, busa kita ang angay tuhoan nga lugwayan ang balaod militar dinhi sa atong dapit.

Ang mga yellow-han ug pulahan lang ang di gusto pero, tingog sa kadaghanan maoy angay nga matuman. Human mabuntog sa atong gobyerno ang mga terorista sa Marawi malinawon na kita; wala na’y gubat tali Moro Islamic Liberation Front (MILF) tungod kay gihatag na sa atong pangulo ang ilang gipangayo.

Kini lang nga administrasyon nga walay gubat ang Mindanao, tungod kay gikan dinhi ang atong presidente. Mr. President, go martial law.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph