PALO, Leyte - Patay ang usa ka pulis human gipamusil sa wa mailhing mga responsable ganinang alas 2:50 sa kaadlawon didto sa Barangay Salvacion, Palo Leyte.
Ang biktima mao si Senior Police Officer (SPO2) Andres Vijuan Gonzaga, 43, taga Caibiran Biliran.
Si Gonzaga usa ka aktibong pulis ug nadestino sa Regional Headquarters Support Group sa Police Regional Office 8 (RHSG-PRO8).
Base sa inisyal nga imbestigasyon, padung mo sakay sa iyang sakyanan ang pulis sa dihang niabot ang mga gunmen.
Gipusil sa makadaghang higayon si Gonzaga nga miresulta sa iyang hinanali nga kamatayon.
Dugang sa imbestigasyon, nagsakay og puti nga Sedan ug dark color nga pick up ang mga responsable.
Misibat kini paingon sa Cogon, Palo Leyte.
Pag abot sa kapulisan sa crime scene, duol sa recreation and amusement center, wala nay kinabuhi nga naghigda ug naligo sa iyang dugo ang pulis.
Padayon pa ang imbestigasyo ug follow up operation sa kapulisan sa insidente.