NASIKOP sa mga sakop sa Drug Enforcement Unit sa Police Station 2 sa Lapu-Lapu City Police Office sa milabayng Dominggo sa kadlawon ang kanhi live-in partner ni anhing Rowen “Yawa” Secretaria kinsa gitumbok nga usa sa mga bigtime nga durugista sa Sugbo kaniadto sa wa pa kini napatay sa usa ka police operation sa Banacon Island, Getafe lalawigan sa Bohol niadtong tuig 2016.
Ang kanhi niya live-in partner nga nasikop sa kapulisan nailhang si Analyn Areza Tejano alyas “En-En” ug kasamtangang nagpuyo sa Sitio Abuno Brgy Pajac dakbayan sa Lapu-Lapu.
Si Tejano nasikop sa gipahigayong buybust operation sa kapulisan sud iyang gipuy-ang panimay sa usa ka subdivision sa Brgy Pajac.
Nakuha sa iyang posisyon ang siyam ka mga pakete sa gituohang shabu nga motimbang ug 3.3 gramos ug gibana- banang adunay Dangerous Drug Board (DDB) value nga P11,300.
Matod ni Chief Inspector Wayne Magbanua ang hepe sa Police Station 2 sa Lapu- Lapu City Police Office nga nakadawat sila ug taho gikan sa usa ka kasaligang tinunbdan mahitungod sa presensya ni Tejano sa Brgy Pajac sud na sa usa ka tuig hinungdan nga ila dayon kini nga gipanid-an sud sa pipila ka buwan.
Giangkon ni Magbanua dili mag kanunayan si Tejano sa iyang gipuy-an sa Brgy Pajac hinungdan nga dugay gayud natigayon ang ilang gipahigayong operasyon.
Usa ka nailhang alyas “Kobol” maoy giingong bag-ong kapuyo ni Tejano sa pagkakaron nga maoy giingong iyang kauban sa pagpamaligya ug ginadiling drugas.
Ang bag-ong live-in partner niini giingong wa diha sa ilang gipuy-ang panimay atol sa operasyon bisan pa man kun sila untang duha ang subject sa operasyon.
“Hindi ko maano kung dako kay Cebu City ang duwa nila pero sigurado ko nga kinilo ang duwa nila” pagbutyag ni Magbanua.
Samtang gibutyag ni Senior Superintendent Lemuel Obon ang director sa Lapu-Lapu City Police Office nga base sa ilang monitoring sa pagkakaron nahimo nang paagi sa mga durugista nga dili mopuyo sa lugar diin sila nag- operate.
Kini aron paglikay sa subsub nga kampanya sa kapulisan batok sa ginadiling drugas.
Gibutyag ni Obon sagad sa ilang madakpan sa dakbayan adto magkuhaan ug ilegal nga drugas sa ubang lugar.
Nasayran usab sa kapulisan nga nga sagad sa mga dagkong drug personality nga nasikop o ba kaha na-neutralize na sa kapulisan kaniadto ang mga kapuyo niini maoy sagad mopuli sa pagpamaligya ug ginadiling drugas.
“It goes both ways kung na ko corner na sila didto mo change sila ug location pero ang kasagaran gayud namo mao to nga gipaubos gyud sa atong regional director ang gitawag ug region-wide SEMPO (Simultaneous Enhanced Managing Police Operations) kay we have discovered nga some targets nga naa diri nagpuyo pananglitan sa Lapu-Lapu City but they do their business sa laing lugar in the same manner nga taga didtos a laing lugar nagpuyo diri napud magbaligya” matod pa ni Obon.
Ang dinakpang si Tejano sa iyang bahin mihimakak hinuon sa pasangil batok kaniya.