Traysikol drayber, laing 2 sikop sa drug bust

SIKOP sa kapulisan sa Talomo Police Station ang usa ka traysikol drayber ug laing duha nga kaubanan niini atol sa drug bust operation niadtong Dominggo didto sa Gravahan, New Matina, Barangay Matina Crossing Davao City.

Sa impormasyon sa Talomo PNP ang suspek nga target sa drug bust mao si Kenneth Baroga Sumalinog, 21-anyos, traysikol drayber ug residente sa lugar.

Atol sa operasyon naaktuhan sa kapulisan nga nag-pot session ang duha nga sila Norbelt Madison Gregore, 30-anyos, taga Jacinto Boulevard ug Marco Angelo Briones Santos, 34-anyos, usa sab ka tricycle driver ug residente sa Brgy. 31-D.

Nakuha sa posisyon ni Sumalinog ang usa ka pakite sa gituohang shabu, P500 nga marked money, P710 nga cash ug mga drug paraphernalia samtang sa posisyon sa nag-pot session ang mga pakite [residue] ug mga paraphernalia.

Giandam na sa kapulisan ang kasong pagsupak sa Republic Act 9165 kon Comprehensive Dangerous Drugs Act of 2002 ngadto sa korte batok sa mga dinakpan. (Richy F. Nalagon)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph