PADAYON ang gihimong imbestigasyon sa Toril Police Station kung mapanubag ba ang tagdumala sa usa ka swimming pool sa Toril Davao City dihang nakit-ang naglutaw og wala nay kinabuhi ang usa ka 4-anyos nga batang lalaki human kini malumos Dominggo sa hapon.
Usa ka alyas Joshua (di tinuod nga pangalan) ang biktima, kinsa residente sa Lao Street, Toril ning dakbayan.
Giingong kauban sa biktima ang iyang mga ginikanan apan nakurat nalang sila dihang naglutaw na ang biktima.
Gidali pa nila og tabang ang biktima ug gidala sa duol nga ospital sa dapit apan nakabsan na kini sa kinabuhi.
Dugang nasayran nga wala suma pa'y nagbantay sa swimming pool niadtong mga taknaa.
Ang Toril PNP nagsubay pa sa hitabo, ug ilang tan-awon kung kinsa gayod ang mapanubag sa insidente.