Tambagi ko Noy Kulas: Mga anak nagkauyab

Dear Noy Kulas,

Tawga lang ko og May, single mom nga dunay live in nga single father pud. Medyo kataw-anan ni akong problema.

Pulos mi dunay past pero love man namo ang usag usa kay friends na mi daan until nagkasinabot nga mosulod og relationship to step up. Dugay na kaayo ming buwag sa among isig ka partner ug naka move on. Kami ra ang nag-atiman sa among tagsa ka anak.

Ang akong anak babaye while iyaha lalake. Karon lang bag-o among nahibaw-an nga dunay relationship ang among mga anak. Among nasakpan dihang nagdungan mi og uli nga nag-romance ang duha sa sala nga wa makabantay sa among pag-abot. Pwerte namong sukoa kay gilainan mi nga duna mi relationship while ang among mga anak naa sab. But nagkadugay, nangatawa ming duha kay maorag alegre paminawon ug huna-hunaon.

Di ba lain, Noy Kulas, nga ang amo sab mga anak magkarelasyon ug mag live in pareho namo? Maora man og lain paminawon no? Unsay imong huna-huna, Noy Kulas? Daghang salamat.

MAY

Dear May

Kataw-anan tuod kay nagkauyab ang inyong mga anak nga talagsaon ra mahitabo, apan naa gyud sa tinuod nga kinabuhi. Naa gani mga komedya nga estorya nga ang father nakauyab og young girl. Unya ang anak nga lalake sa guy, nauyab ang mama sa girl. Mas kuyaw ni nga story kon true to life.

Bitaw, legally, wa may babag nang inyong sitwasyon karon kon way mga legal adoption nga nahitabo kay mahimo nang babag kon naa man. Di na sila pwedeng magminyo kon nahitabo ni.

Mas maayong mo explore mong duha sa imong live in nga magminyo aron mahimo mong ehemplo sa inyong mga anak kon magminyo mong duha. Himoa sab nga maayo ang dagan sa inyong relasyon sa ingon makakita sila kon unsaon pagpuyo nga malinawon ug hapsay.

Unya maglatid mog rules alang nilang duha. No premarital sex and kon nagtungha pa silang duha, mas maayo nga motutok sila sa pagtungha o ilang studies. Unya manrabaho sab sila pagkahuman nila og eskwela aron di sila magkalisodlisod ugma.

NOY KULAS

Alang sa imong problema, e-mail sa kulassuper@sunstar.com.ph ug rojval69@yahoo.com

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph