Kabataan sa Balay Canossa gilingaw sa SunStar CDO

(Gipaambit nga hulagway)
(Gipaambit nga hulagway)

ANG kasaulogan sa Kapaskohan mao gyud ang gikahinaman nga adlaw sa tanan ilabi na sa mga kabataan.

Gipahigayon na usab ang tinuig nga kalihokan sa SunStar Cagayan de Oro Inc. diin ang pagshare sa mga nadawatang grasya ilabi na ngadto sa mga anaa sa kapobrehon nagagikan nga mga kabataan o bisan kining mga naglatagaw diha sa kadalanan nga gihatagan sa kahigayonan nga makakat-on pinaagi sa Balay Canossa.

Gibisita kini sa SunStar CDO niadtong Disyembre 14 sa Balay Canossa nga nahimutang sa dalan Hayes ning siyudad sa Cagayan de Oro.

Subli sa ikaduhang higayon nahatag ang SunStar CDO og ginagmay nga pinaskohan ngadto sa mga kabataan diin pipila nga naggikan sa mga nabungkag nga pamilya ug ginagmay lamang ang kinitaan nga mga ginikanan lakip na sa mga bata nga naglatagaw sa kadalanan.

Matud ni Rosa Rosa Dümlein, 21 nga naggikan pa sa Germany ug usa ka volunteer nga buot gyud niini nga moserbisyo sa mga kabataan diin duol sa iyang dughan.

“I know the Mabuhay foundation, I am also member ,they know also the Canossa sisters so that’s why I know that there’s a Balay Canossa here, so I decided to go here and just serve the kids, I got experience lot of kids like beyond another country and I also really like the Philippines” matud ni Dümlein.

Gidugang pa nga sulod sa usa ka bulan daghan na kini og mga gipasalamatan sa mga nahitabo ilabi na sa mga experience diha sa pag-atiman sa mga bata sa Balay Canossa .

“One month, yeah a lot of exeriences and many, and I am vey grateful to all the moments here” pahayag niini.

Matud usab ni Liza Loyola kinsa taod taod na usab nga anaa sa maong foundation nga matag adlaw nagserve kini sila og breakfast alang sa mga street kids ug tutorial ug mobalik sa pagkahapon.

Nagpahigayon usab kini og values formation, team building ug uban pa aron nga malikay ang mga bata sa mga tentasiyon sa gawas sama sa pagpangawat ug pagpanglimos.

Ang kanhi House of Friendship nga karon mao na ang Balay Canossa diha sa Sto. Niño Parish, Cogon giturn over ngadto sa Canossian Sisters sa tuig 1990 sa Sto. Niño Parish, Cogon ug karon kasamtangang anaa na sa Baloy Tablon diin nahimutang ang temporary shelter.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph