DEAR Tita Heart,
Maayong adlaw kanimo tita heart sa SuperBalita. Ako si Jekka, 19, nagpuyo ko diri sa El Salvador City. Gapaminaw ko sa imong programa sab sa radio tita. Akong problema kay akong uyab bitaw kay grabe ka seloso tita. Gakaulit ko sa iyaha kay bisan akong ig-agaw nga dili pa niya maila iyang selosan. Akong cellphone iyang gahilabtan ug gisusi ang mga text ug messenger. Nasobrahan man kaayo nga dili nako ganahan. Unsa man akong buhaton ani niya kay akong plano bulagan pero gaingon niya iya gyod daw ko hikogan kon akong buhaton. Makita nako kon unsa ko niya ka love tita, love unta nako siya pero sa iyang kina-iya nawad-an nako og gana.
Jekka
Hello Jekka,
Ayaw itolerate iyang pagkaseloso kay dili gyod maayo sa inyong relasyon. Dili healthy inyong relasyon ug magsige mo lalis kay gamay nga butang inyo na nga debatihan. Ang seloso man gud nga tao, magsige pangita og bikil, sama sa imong giingon nga magsusi-susi diha sa cellphone, mag-away gyod mo pirme labina kon naay iyang mga makita diha nga ikaduda niya.
Pasabta siya ug tagai og chance apan kon iyang ipadayon, uyab paman mo sayon ra nimo bulagan. Siya ang nagdala sa iyang kaugalingon ug dili maayong manghadlok siya nga hikogan ka niya, maorag gi blackmail na hinoun ka niya aron dili nimo bulagan. Iyang parents ug igsuon imong sultian sa iyang kina-iya kay aron matambagan pod siya. Kinahanglan lang gyod sa epektibo nga relasyon nga magsinabtanay ug labaw sa tanan dako gyod nga pagsalig sa usag-usa.
Tita Heart