HUMAN pirmado na ug nauyonan sa kamara ang ekstensyon sa martial law nibahad ang walhong grupo og sunod-sunod nga pagpangatake aron pagpakita nga hugot silang nagsupak sa ekstensyon niini.
Si First Lieutenant Tere Ingente, tigpamaba sa Fourth Infantry Division (4ID)-Philippine Army niingon nga dili na bag-o kanila ang mga bahad nga pagpangatake.
“Kanus-a ba nagbag-o ang ilang pagpangatake sa mga vulnerable sectors ug indibidwal? Dili na nila kinahanglan patunayan ang ilang pagkaterorista pinaagi sa statement nga giluwatan sa ilahang lider kay kahibalo na ang tibuok Pilipinas sa ilang mga salaud nga gihimo,” matud ni Ingente sa SunStar SuperBalita.
Apan tungod sa maong bahad ang tibouk pwersa sa kasundalohan naka-alerto taliwala nga Pasko.
Gani, dili mo-rekomendar og Suspension of Military Operations (SOMO) ang Armed Forces of the Philippines (AFP) karong umaabot nga pasko ug bag-ong tuig taliwala paman nga NPA mideklarar daw niini.
Dili sab kumbinsido niini ang mga sundalo tungod kay daw bisan pa ilang ipahunong ang kagubot padayon gihapon ilang pagpangatake.
Taliwala paman niini gipaabot sa 4ID nga niining kasaulogan sa pasko andam gihapon silang modawat sa mga NPA kon bout nilang mobalik sa sabakan sa gobyerno.
“Pero in the spirit of the holiday season, ang 4ID andam mudawat ug mutabang sa tanang NPA nga gusto na mubalik sa sabakan sa gobyerno ug manginabuhing malinawon ug malipayon kauban ang ilang mga pamilya,” matud ni Ingente.