ANG Sikat Alab Football Club (FC) mipildi sa PCT/GGS Enterprise, 2-1, ug maoy mikampeyon sa 15th Acosta Cup ladies football tournament nga gihimo sa nakalabay nga weekend sa Tionko field.
Si Kecy Gelicame sa PCT-GGS Enterprise miangkon sa unang swerte, mipasud sa unang goal sa ika-73 minutos, apan sila Sikat Alab's Stephanie Tajos ug Loren Mae Lanoy mibawos og back-to-back goals sa 83rd ug 119th, aron maangkon ang titulo.
Ang Sikat Alab FC nga gigiyahan ni Jessie Gravino, gibanderahan sab nila Analee Abadilla, Jenet Aguilo, Darie Mae Barrientos, Julieta Cañete, Bianca Nikole Carillo, Jasmine Castillo, Pitch Fajardo, Maria Theresa Furog, Judy Ann Gaslang, Amirah Iñigo, Sanaa Jikirii, Rizza Joy Lao, Gabriela Medina, Claudine Medrina, Renalyn Pangaya, Laurajane Piano, Jillian Sitchon, Marion Suzara, Jean Templaza, Reyza Antonette Torejas, Khloe Valencia, Angel Velasco ug Cherry Mae Vilchez.
Sa bugno sa ika-tulong pwesto, ang CR7 Food Truck midaug sab kontra D' Davao Survivors (D'DS) Survivors, 3-2.
Si D'DS striker Kiana Gilot miangkon sa unang goal sa 36th apan si Jherika Cantila mitubag sab og laing goal sa 40th nga miresulta sa tie.
Apan ang D'DS player Julienne Mirto miiskor sa 45th aron manguna og usa ka puntos ang iyang tim.
Si Davao City Councilor Mabel Acosta nanguna sa pagtunol og premyo ngadto sa mga mananaug.