AMBOT ug kon si kinsa ang nakahonghong ni Paolo Duterte, a.k.a. Polong, ang anak ni Presidente Rodrigo Duterte, aron ilambigit ang grupo ug indibidual nga matod pag lumpag sa kasamtangang pang-gobyerno.
Kon tinuod man ang mga pasangil kini nagpasabot nga wa na makauyon sa pamaagi sa pagdumala mao nga ilang palagputon.
Ilabi na sa isyu sa Extra Judicial Killing ( EJK ) nga nahitabo dinhi sa Pilipinas. Nga gipaagi sa kampanya batok sa problema sa illegal nga drugas nga ang nangamatay mga kabus nga durugista.
Apan nabulgar nga namakak si Polong kay miluwat ug pamahayag ang armadong kusog sa Pilipinas nga way destabilisasyon .
Sa ato pa, usa ka dakong bakak ang paglambigit ni Polong sa pangan ni kanhi Supreme Court Chief Hilario Davide Jr. nga tipik ug kabahin sa maong plano.
Di lang ang mga Sugboanon, ang milaban sab ni Davide, naglakip na ang mayoriya sa katawhan sa Pilipinas
Pagka iresponsabli aning Polong, nagpataka lang og putak sa iyang baba.
Apan daghan ang nagduda nga ang nakahonghong sa anak sa presidente ang pulitiko nga nasuko sa kanhi Chief Justice .
Si Davide, ligdong ug matarong ug wa man maisyu bisan pa sa korapsyon. Naklaro na hinuon nga pulitika ang motibo sa pulitikong naghonghong ni Polong.
Habal-habal
Maayo man ang hukom sa Korte Suprema sa pagbadlong ug pagpahunobg sa operasyon sa habal-habal ug ilabi na Angkas grupo sa mga drivers.
Gawas nga illegal ang habal-habal risgo ang kinabuhi sa mga pasahero niining pagsakay sa motorsiklo.
Samtang grabi sab ang pagpangabuso sa plitihan. Mora naman og dakong insulto sa mga pasahero kay tulis na sa atubangan.
Kon tugutan sa pagbalik ang operasyon sa Habalhabal gikinahanglan nga dunay regulasyon sa plitihan.
Ug di na sab unya sila makapadagan sa mga highways ug ubang karsada nga dunay mga sakyanang pampasahero-an.
Looy man tuod ang kahimtang sa mga driver kay nakulban sa kaldero. Tudlo-an sab unta pagdisiplina sa ilang kaugalingon nga dili mamintaha.
Karon nga wa na sila’y mahabal aron makita ang habal-habal kay nagsigi na sa pagpanakop ang mga tinugyanan niini.
Email: efrenlonzon71inood@gmail.com
Text: 09235562777