EXTENDED ang wala’y trabaho ug klase karong umaabot bag-ong tuig human gideklarar na sa Malacañang nga suspendido kini sa Enero 2, adlawng Miyerkules.
Kini gibase sa Memorandum Circular 54 sa Office of the President nga giluwatan niadtong Lunes,
Gideklarar nga regular holiday ang Enero 1 base na usab sa Proclamation No. 555 ni Presidente Duterte.
Lakip sa wala’y trabaho ang mga empleyado sa gobyerno, government-owned or controlled corporations, gov’t financial institutions, state universities, colleges, ug local government units.
Apan kadtong mga ahensiya kansang trabaho mao ang pagdeliver ug mga basic ug health services, pagpangandam nga makatubang sa mga disaster ug kalamidad, o ubang mga vital services ang magpadayon sa ilang operations ug serbisyo.
“However, Those agencies whose functions involve the delivery of basic and health services, preparedness/response to disasters and calamities, and/or the performace of other viral services shall continue with their operations and render the necessary services,” tipik sa maong circular.
Hinuon, alang sa pribado nga kompaniya, anaa na sa management niini kon mosuspenso usab kini sa ilang trabaho ug klase.
Kahinumduman nga sayo ang bakasayon sa mga magtutudlo ug tinun-an karong tuiga human gimando sa Department of Education nga sa Disyembre 15 ang sugod sa Christmas break sa mga tinun-an sa elementarya ug hayskul. HBL