KAPIN sa 3,000 ka persons with disabilities nakadawat og ayoda gikan sa Mandaue City Government niadtong Lunes, Disyembre 17.
Ang maong programa nagsugod niadtong 2009.
Tumong sa programa nga mahatagan og hinabang ang mga PWD’s sa Dakbayan sa Mandaue gikan sa 27 ka mga barangay.
Matod ni Judimar Dotusme, officer-in-charge sa Office of the Differently-Abled Persons Affairs, P3,000 ang madawat sa 3,166 ka PWD’s karong tuiga.
“Naa’y madawat nga P3,000 ang mga PWD’s sa 27 ka barangay sa Dakbayan sa Mandaue this year. Once a year ra ni pag gabuhaton ang financial distribution. Madawat ni nila every December ra gyud,” subay ni Dotusme.
Dugang ni Dotusme nga kinahanglan nga rehistrado sa opisina sa Odapa ang usa ka PWD aron makadawat sa maong ayoda.
Ang ayoda alang lamang sa residenteng PWD’s sa Mandaue, giumentuhan og P1,000 karong tuiga gikan sa P2,000 nahimo nang P3,000 pesos.
Giumentoihan sa Konseho sa Dakbayan sa Mandaue ang resolusyon sa pagpapaumento sa financial aid sa PWDs niadtong June 19.
Nalipay
Matod ni Joshua Caniocao, usa ka PWD, 24, siyam na siya ka tuig nga benepisyaryo sa maong programa.
“Kaming mga PWD malipayon mi karong Pasko tungod kay nakadawat mi og gamayng hinabang, lipay kaayo mi,” matod ni Caniocao
“Sa una P500 rani. Nahimong P1,000, P2,000 ug karon P3,000 na,” dugang niya
Matod sab ni Laurence Sibay, 38, usa ka PWD beneficiary, nga malipayon siya tungod kay dako kini og tabang sa iyang pamilya.
“Nalipay ko. Nakatabang ni siya sa akong pamilya, bisag di kaayo dako ang kwarta pero dako na kaayo ang nahimong tabang namo,” subay niya.
Dugang niya malipayon kaayo ilang Pasko tungod kay bisag gamay aduna siya’y mahatag sa iyahang mga anak, sa iyang inahan ug para sa iyang kaugalingon.
“Hangyo nako nga padayon lang unta ni nga programa sa gobyerno ug di ni maputol hangtod sa hangtod,” matod ni Sibay.
Mao sab ang nahimong reaksyon ni Randy Cuyoce, 39, nga naka uyon siya pag ayo sa maong programa sa gobyerno. Kizia Marie Suello & Jolissa Mae Taboada- USJ-R Interns