SI Cebu City Mayor Tomas Osmeña mohangyo sa City Council na usab sa pagtugot kaniya sa pag-file og appeal sa Korte Suprema alang sa mga sumasakay may labot sa hukom sa korte batok sa Angkas.
“I will be submitting to the City Council another request for a special session to authorize me to file on behalf of the riding public to file an appeal before Supreme Court regarding this issue,” sulti niya sa mga reporter.
Si Osmeña niingon nga ang P15 million nga giuyonan sa Konseho gamiton sa pagpalit og mga sinakong bugas alang sa mga habal-habal driver.
Si Osmeña niingon nga ang matag habal-habal driver makakuha og usa ka sakong bugas matag usa. Ipang-apod-apod kini atol sa Pasko.
Matod sa mayor nga duna na silay listahan sa mga habalhabal driver tungod sa ilang tinguha kaniadto sa pag-organisar kanila.
Matod niya nga i-validate kini sa Siyudad.
Giklaro ni Osmeña nga wa niya pabori ang Angkas kay bisan ang ordinaryong mga habalhabal driver makadawat sa rice assistance. Gikan ni RVC sa SunStar Cebu