ANG kabatan-unan ang gihimug-atan sa gihatag nga Christmas message sa amahan sa simbahan nga katoliko sa Sugbo, His Eminence Jose Palma.
Tungod usab sa pagsugod na sa year of the Youth, gikan sa year of the Clergy, iya gisaysay nga unta ang kaparian o si kinsa nga nangalagad sa ngan sa Ginoo, sama sa mga batan-on ang gana diha sa pagpangalagad.
Di usab hikalimtan ang rason sa pagsaulog sa pasko ang batang Hesus, ang grasya sa pagkatawo ni Sr. Sto.Niño, kinsa maoy una nga gihatag sa Sugbu, hinungdan nga natawo ang Kristyanismo sa Sugbo, dul-an na 500 ka tuig.
Awhag sa arsobispo nga padayunon ang pag-ampo, kalabot sa mga padayon nga bayolente nga panghitabo, ilabi na ang mga pagpatay.
Ug pag-ampo ilabi na nga pipila sa nga kabatan-unan ang nalambigit na sa ginadiling drugas.
Iyang hagit sa ubang mga batan-on ang pagdani ug pagtabang sa uban nga mga nasaag ug nalambigit sa mga ilegal, ilabi na sa ginadili nga drugas.