GIPAHIMANGNOAN sa Philippine Atmospheric, Geophysical and Astronomical Services Administration (Pagasa) Visayas ang publiko hilabi na kadtong manimbahay sa Misa de Gallo nga magdala nalang kini og payong kay mouwan sugod karong kaadlawon tungod sa Low Pressure Area.
Ang LPA nisulod sa Philippine Area of Responsibility (PAR), alas 9 sa buntag Miyerkules, Disyembre 19.
Nasigpatan kini sa 800 kilometros sidlakan sa Mindanao.
Matod sa officer-in-charge (OIC) sa Pagasa Visayas Engr. Al Quiblat nga kasarangan ngadto sa kusog nga uwan ang dala sa extension niining LPA.
Tibuok adlaw ugma, Huwebes, Disyembre 20, gilauman nga madag-umon ang kalangitan nga aduna'y pag-uwan.
Hinuon wala'y tyansa nga mamahimong bagyo ang maong LPA.