GINGANLAN ang Globe Telecom nga 2018 Data Service Provider of the Year ug 2018 Cloud Infrastructure Service Provider of the Year sa global ug consulting firm nga Frost & Sullivan sa pagpatuman og lainlaing mga pamaagi sa patigayon nga nakatabang sa pagkab-ot sa katagbawan sa mga customer.
Matod ni Ernest Cu, presidente ug chief executive officer sa Globe, ang maong mga pasidungog maghatag og kadasig sa ilang team sa paghimo sa negosyo ug home connectivity nga mas sayon sa matag kompaniya ug indibidwal.
“We do this by ensuring our clients are equipped with a wide array of infrastructure services that address their varying needs,” sumala niini.
Ang Frost & Sullivan Best Practices awards kay nag-ila ug nagpasidungog sa labing maayo nga mga kompaniya nga nagpakita og labing maayo sa ilang isig ka mga industriya.
Ang analysts niini nagpahigayon og lawom nga interviews, analysis ug extensive secondary research sa pag-ila sa labing maayo nga mga kompaniya sa matag field.
Sigon ni Okmar Lad, digital transformation associate sa Frost & Sullivan, ang Globe Telecom nag-develop og hyper convergence value proposition nga nagtugot sa virtual Information Technology (IT) management pinaagi sa single platform, nga naghatag og katakos sa sayon nga pagdumala ug pagpakatap sa cloud infrastructure.
“Globe Telecom’s emphasis on enhancing infrastructure capabilities and developing strong growth strategies has enabled the company to achieve a significant number of key customer wins across different segments,” dugang ni Lad sa iyang suwat.
Sumala ni Peter Maquera, senior vice president sa Globe Business, ang maong mga pag-ila kay testamento sa high standards sa kompaniya sa paghatag og innovative products ug mga serbisyo, ang usa niini ang migration sa Cloud.
“With this award, we are inspired even more to level up our game. It came at just the right time as we introduced yet another innovative solution with regards to our Cloud offering,” pahayag niini.
Ang Globe Business, ang information ug communications technology arm sa Globe, padayon sa saad niini sa paghatag og digital nation pinaagi sa pagpakusog sa pagsagop sa ICT-enabled services sa tibuok nasod.
Naglakip sa Globe Business Data Center solutions ang Data Center Colocation nga naghatag og luna alang sa pagpaabang sa mga server ug IT equipment; LAN-Based Internet alang sa pagbalik-balik, stable, segurado ug high-speed connectivity; ug Business Continuity Services sama sa Disaster Recovery Work Seats ug Media Storage Service sa matag kalamidad o man-made disasters.