GIPAHIBAW ang mga nanag-iya og business establishment sa dakbayan sa Mandaue nga magsugod karong Enero 3, 2019 ang renewal sa real property tax ug business permit.
Ang maong kalihukan hangtud lang sa Enero 20 ug aron daghan ang ma-accommodate ug mas mapadali ang transaction, himuon ang renewal sulod sa Mandaue City sports complex.
Walay lunch break ug modawat sila hangtud Sabado ug Dominggo.
“So we are asking all the tax payers to process the earliest time to prevent inconvenience,” awhag ni Atty. Regal Oliva, Mandaue City treasurer.
Gipahinumduman usab ang mga business owners sa pag-comply sa unom ka mga clearances aron ma-renew ang business permit, ilabi na ang local clearances lakip ang sanitary permit, fire ug environmental permit, ug laing tulo ka mga national clearances sama sa SSS.
Ang di makakumpleto sa unom ka clearances adunay silot nga 20 mil pesos.
Gipasabot ni Oliva nga gituyo ang pagmahal sa penalty sukad pa karong tuig 2018, aron dili magsalig ang mga magpapatigayon ug mu-comply gyud diha sa mga rekisitos.
Giangkon ni Oliva nga sa tuig 2018, anaa lang 13,000 ubos sa 14,000 niadtong 2015, hinungdan nga subsob nga tax mapping ang himuon nila sunod tuig. (Superbalita Cebu)