SUPERBALITA CEBU

Ayala Capitol Central miabli na sa Bacolod

GIKAN sa pagka Hacienda Sugarlandia sa Negros Island, ang siyudad sa Bacolod nahimo usab nga usa sa labing paspas nga mga dapit sa service ug business process outsourcing sa nasod.

Kini gumikan sa pag-abli na sa labing uwahing Ayala Mall sa Capitol Central Complex palibot sa Negros Occidental Provincial Capitol niadtong Disyembre 14.

Sayon lang ang pagsakay og pribado ug publikong mga sakyanan gikan ug padung sa Ayala Malls Capitol Central kay naa kini nahimutang sa dan Gatuslao, eskina sa North ug South Capitol Roads sa Bacolod, sa kinapusuran sa ikaduhang labing daghang mga tawo sa Visayas. Ug giila nga “most business-friendly ug “most livable” nga siyudad sa nasod.

Si Jennylle Tupaz, pangu sa Ayala Malls Group, namahayag nga tumong sa Ayala Malls Capitol Central ang paghatag og dugang kalamboan sa ekonomiya sa maong dapit.

“Situated at Bacolod’s kilometer zero, beside the historic Provincial Capitol Lagoon, Ayala Malls Capitol Central is truly in a prime location. It will be a thriving center for convergence in terms of commerce, business, and leisure,” pahayag niini.

“With Ayala Malls Capitol Central, we bring our trademark commitment to sustainable and inclusive economic development in order to improve the quality of life of Filipino communities,” gidugang ni Tupaz.

Sumala ni Mariana Zobel de Ayala, deputy head sa Ayala Malls, nga haom ang lokasyon sa Ayala Malls Capitol Central kay sayon lang kini maadto sa matag Negrense nga magsaulog og gagmay nga mga kadaugan, major milestones ug mga salosalo.

“We are happy to bring Negrenses a holistic experience that is intimate and relaxing amidst the hectic city buzz. With Ayala Malls Capitol Central, we will showcase Bacolod’s Best alongside global brands,” niingon si Zobel de Ayala.

Apil sa makita sa Ayala Malls Capitol Central ang The Corte, usa ka garden plaza nga may foundation; Fiesta Negrense, nagpakita sa labing nindot nga homegrown concepts; Central Bazaar, usa ka incubator alang sa paguporta sa pagsugod og bag-ong mga patigayon; interior design nga nagpakita sa kapabilid sa lokal nga mga artista ug mga talento; Concierge ni Sason, Mosaic ni Millie Kilayko ug ang artisans sa Negrense Volunteers for Change (NVC) Foundation.

Naa usab ang mga lingkuranan, plant boxes ug security tables gikan sa Sonia’s, Fiesta market tables ug mga lingkuranan sa Art Energy, Murals sa Team Creativo ug Association of Negros Artists; Show display windows gikan sa Association of Negros Producers (ANP) ug kapilya nga labing una sa usa ka mall sa Bacolod nga dunay regular nga misa sa matag alas 11 sa buntag sa matag Dominggo. PR


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph