NAHIMONG dalangpanan ang Malasakit Centers. Pro-poor health initiative o one-stop govt. centers nga nagtanyag og libre nga serbisyong medikal. Maminosan ang gihambin nga balatian sa pamilyang kabos kay ang maghikay sa mga papeles mao na ang social worker sa publikong tambalanan nga gibutangan og extension office sa mga funding agencies DOH, Philhealth, Pagcor, PCSO ug DSWD. Dali ra kaayo makompleto ang mga papeles sukwahi kaniadto nga dugay makagawas ang pasyente sanglit lagyo ang ahensya nga duolon aron magpatabang. Gilusad sa Peb. 2018 alang sa mga kabos dalaygong programa ni Pres. Rodrigo Duterte nga gidumala ni SAP Bong Go nga gipadagan og senador.
Okt. 2018 miabot na og 53,107 ka mga pasyente ang natabangan sa Malasakit Center sa VSMMC sukad sa pagsugod. Daghan na ang akreditado sa maong sentro nga naglakip sa Talisay District Hospital, Saint Anthony Mother and Child sa Basak San Nicolas, Eversely Child Sanitarium sa Mandaue, Don Emilio Del Valle Hospital sa Ubay, Bohol; Gov. Celestino Gallares Memorial Hospital sa Tagbilaran City, Southern Phil. Medical Center sa Davao City, Western Visayas Medical Center sa Iloilo City, Negros Or. Provincial Hospital sa Dumaguete, Jose Lingad Memorial Regional Hospital sa San Fernando, Pampanga; Corazon Locsin Montelibano Memorial Regional Hospital sa Bacolod City, Northern Mindanao Medical Center sa Cagayan de Oro City, Butuan Medical Center sa Agusan del Norte, Zamboanga City Medical Center, Bicol Regional Training and Teaching Hospital sa Legaspi City, Southern Provincial Hospital sa Maasin City, Eastern Visayas Regional Medical Center sa Tacloban, Ospital Ng Palawan sa Puerto Princesa, Phil. General Hospital sa Manila, Jose Reyes Memorial Medical Center sa Manila, East Avenue Medical Center sa Metro Manila ug ang ika 21 Rizal Medical Center sa Metro Manila. Modaghan pa unya ang Malasakit Centers sa mga publikong tambalanan lukop nasod.
Laing programa sa adminitrasyon alang sa mga kabos ang free hospital care ang medicine dugang sa Philhealth, hapit na mahingpit ang Universal Health Care, pagdugang sa 4P’s, paghingusog sa pag-apod-apod og NFA rice, Pantawid Pasada Cash Cards, usbaw sa financial benefits sa mga kawani ubos sa Employees Compensation Program isip social insurance, libreng tuition fee sa mga publiko ug pribadong state universities ug colleges nga kuhaon sa scholarship program ug Tax Reform nga dili na magbayad og income tax. (csa_1156@yahoo.com / 09064648954)