Binghay: Nangalisbo sa kabaho

WAY gipiling edad o estado ang fungus nga motakod sa panit. Kini kasagaran maoy maka-ingon sa pagpangalisbo ug di masabot nga baho. Kita tanan mahimong matakdan ini kay lisud man kini malikayan labi na og usa ra mo ka panimalay.

Kung motubo ug modaghan, mangguwa na ang sakit-sakit sa panit sama sa athlete’s foot, ringworm, jock itch ug ubang mga yeast infection. Bisag di kini delikado, magdala kini og kakatol, grabing isog nga baho unya maka-uwaw tan-awon.

Unsa may rason sa pagtakod ini?

Una, ka kuwang sa panghinlo sa kaugalingon ug pagpuli-puli og gamit (sinena o personal hygiene).

Dali kining motapot sa mga singtanon ug basa-basa nga parti sa lawas, kadtong mga luya og immune system, mga tawo nga kanunay mag-alagad sa uban (mananambal, nurse, maestra, estudyante) ug kadtong nagsegig tumar og antiobiotics unya na immune na ang lawas sa tambal.

Kining fungus daling mosanay sa ilokan, kumagko, tiil ug sa may kinatawo nga bahin kay dinhi man ang basa-basa manago. Ang anghit ug grabing ka baho sa tiil nga mangalisbo na, ehimplo sa daghang fungus nga nagpuyo sa lawas labi na og mabu-ot (medyasan ang tiil ug pantihan ang kinatawo bisag basa-basa pa).

Unsaon paglikay?

Likayi ang paggamit sa butang nga di imo (t-shirts, underwear, sudlay, tualya ug uban pa). Mas maayo nga magtinir og kaugalingong personal nga butang/gamit og ayaw kini ipahuwam aron luwas ka sa kontaminasyon sa fungus.

Kaon og daghang masustansiyang pagkaon sama sa mga utanon ug prutas apil mga natural nga probiotics sama sa yogurt para motaas ang immune system nga mobatok sa kagaw. Kusog mosanay ang fungus kung hingaon ka og pagkaon nga daghan og kamay maong hinay-hinayi pagkaon kadtong kargado og carbohydrates. Hinuon daghanon ang protina ug tubig nga mohinlo sa hugaw sa lawas. Ang pagkatulog og insakto importante sab.

Daghang mga over-the-counter nga mga ointment ug powder ang mapalit, busa ayaw dugaya, duol sa doctor aron di mo sipa ang pagdaghan ug mosamot ang kakatol.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph