SA mga movie fans siguradong masadya, alegre ug puno sa pagmaya ang inyong pasko kay karong Martes na mo-abli sa inyong mga paboritong sinehan ang mga pelikula nga opisyal entry sa Metro Manila Film Festival 2018.
Kinsa kaha ang ilhong No. 1 box-office hit? Sama sa mga miaging MMFF si Vic Sotto ug Vice Ganda ang magtigi gihapon sa mga sinehan.
Ang lain pang gipaabot mao ang awards night, kon kinsa ang mahimong best picture, best actor, best actress ug uban pa.
Ang magtigi sa mga sinehan mao ang “Jack em popoy” (Vic Sotto ug Coco Martin), “Fantastka” (Vice Ganda), “Aurora” (Anne Curtis), “One Great Love” (Kim Chiu), “Mary Mary Me” (Toni ug Alex Gonzaga), “Otlum” (Jerome Ponce), “Girl in the Orange Dress” (Jessy Mendiola ug Jericho Rosales) ug ang “Rainbow sunset” (Eddie Garcia ug Gloria Romero). Kinsa kaha ang manghakot og tropeyo sa award’s night? Atong atangan sa Pasko, ay’g saba!
Gibida na sa Kapamilya network ang mga bag-ong programa nga makita karong Enero. Sa atong nakita may bonggang dance contest ang “World of dance Philippines.” Si Pia Wurtzbach ug Luis Manzano ang host samtang ang mga hurado silang Billy Crawford, Maja Salvador ug Gary Valenciano.
Mobalik usab si Luis sa programang “Minute to win it” last man standing. Ang usa sa atong gipaabot nga serye mao ang pagbalik ni Angel Locsin sa primetime bida ang “The General’s Daughter”. Mao na kaha ni ang mopuli sa “FPJ’S Ang Probinsyano” ni Coco Martin?
Siguradong kulbaan ug ma-stress ang mopuli sa Probinsyano. Kon ang “The General’s Daughter” na ang mohulip sa Probinsyano andam na ba kaha si Angel Locsin? Atangi, ay’g saba!