SUPERBALITA CAGAYAN DE ORO

SunStar CDO goes Bohemian

NAHATAGAN sa kahigayonan ang matag-usa sa pag-relax ug paglingaw sa mga kaugalingon atol sa gipahigayong Christmas party niadtong Disyembre 16, sa Beach Front Resort and Restaurant sa El Salvador City, Misamis Oriental.

Nasayran nga niini lamang higayona nga magkatigom ang empleyado sa SunStar gumikan na usab sa managlahi nga mga iskedyul ug sa ka busy sa matag usa sa tagsa-tagsa ka tahas matag-adlaw.

Naghatag og mensahe ang editor-in-chief Jenefer Besere sa SunStar Superbalita Cagayan de Oro atol usab sa kasaulogan ug nibutyag nga unta daghan pa nga mga susama niini na kasaulogan nga magkauban ang tanan.

“Unta daghan pa nga mga parties nga magkauban ta dinhi tanan bisan sa atong mga differences pero at the end of the day we are family, Merry Christmas,” mensahe niini.

Samtang nihatag usab og mensahe ang editor-in-chief nga si Churchill Aguilar sa SunStar CDO diin ang selebrasiyon sa Pasko mao ang kasaulogan sa kinabuhi ug pag-welcome sa mga kabag-ohan diin gani wala ka masayod kung unsa kini.

“This year I think is a struggle for a lot of us kay there are a lot of new people. I, for one, am a new guy in SunStar. So murag ang Christmas is welcoming something new and you don't know what it is,” matud niini.

Gi-aghat usab niini ang matag usa sa pagkahiusa ilabi na diha sa matag tahas ug ihatag ang tanan gumikan kay ang papel sa SunStar naghatag og dakong impak sa kinabuhi sa matag usa ug sa kumonidad.

Nagmalampuson ang maong kasaulogan diin nalingaw ang matag usa sa mga papremyo sama sa Best Dressed Female nga naangkon ni Crystel Perpetua, AE sa SunStar ug ang Best Dressed Male ni Alwen Saliring, chief reporter sa SunStar diin nakadawat og P500 ug uban pa nga mga papremyo.

Nakadawat usab og bongga nga papremyo sa Globe ang nidaug sa SunStar Got Talent pinaagi ni Ruel Linao kinsa nagpakita sa talento pinaagi sa pagsayaw. Samtang nikanta usab sila si Pamela Orias reporter sa SunStar Daily, Steph Berganio, senior reporter sa Superbalita, Crystel Perpetua ug Jared Montes.

Nalingaw usab ang tanan sa mga games sama sa sack race, pop the balloon, bring me, pagpasa sa candy ug uban pa kinsa nakadawat usab og mga papremyo gikan na usab sa mga sponsor sama sa provincial capitol, City hall, Virginia, FDC, GMA, Cepalco, Smart, ug uban pa lakip na sa Tonight’s Mobile Bar diin naghatag og libre nga mga wines sa empleyado sa SunStar sa mga buot modimdim niini.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph