TACLOBAN CITY -- Gipusil-patay ang usa ka pulis nga nadestino sa Tacloban City Police Office pasado alas 9 sa buntag, Disyembre 23, atubangan sa Eastern Visayas Medical Center (EVRMC).
Giila ang biktima nga si Police Officer 2 Lawrence Tabungar nga taga Peerless Village ug nadestino sa Mobile Patrol Unit sa TCPO.
Base sa inisyal nga imbestigasyon, padung na mo uli gikan sa trabaho ang pulis sakay sa iyahang sakyanan dihang niagi kini sa EVRMC.
Usa ka pick-up nga puwa nga dunay sakay nga mga armado ang namusil sa biktima.
Nakaangkon og daghang samad pinusilan sa ulo ug lawas ang pulis.
Nisibat sa wa matino nga direksyon ang mga responsable.
Nihimo karon sa ilang imbestigasyon ang kapulisan ug padayung niila kung kinsa ang responsable sa krimen.