Sanag kaayo ang panagway sa dul-an gatusan nga kabataan sa Homecare for Children Center sa City Government sa Lapu-Lapu nga nagkapuliki og bitbit sa ilang pinaskuhan ug premyo atol sa Christmas party sa miaging semana.
Apan sa wa pa ang maong kalihokan giubanan sila ni Lapu-Lapu City Mayor Paz Radaza nga mag shopping aron makapili sa ilang bag-ong sinina nga mao usay ilang gisul-ob atol sa party.
Gibayaw sa tumang kalipay ang maong mga beneficiary sa dihang mascot sa Transformer ug Marvel Superheroes ang mitunga.
Ang maong kalihukan gipahigayon sa Brgy Gun-ob diin nahimutang ang naasoyng pasilidad. Ang Homecare for Children Center usa ka pasilidad sa dakbayan diin anaa sa pag-amuma sa Cit y Social Welfare Services (CSWS) ang mga batang gi abandonar na sa ilang mga ginikanan, biktima sa mga krimen ug ang uban mga batang gitawag ug Children in Conflict with the Law (CICL). (GCM)