ANG Asia Pacific Ironman 70.3 nga kalihukan nga gihimo sa Cebu niadtong 2017, miresulta sa paglabni og upat ka pasidungog sa prestihiyusong Philippine Sports Tourism Awards (PSTA) gihimo sa Savoy Hotel Manila niadtong milabay nga semana.
Ang triathlon event midaug sa International Event of the Year nga nag-highlight sa Siyudad sa Lapu-lapu, Probinsiya sa Cebu ug Department of Tourism-Central Visayas isip kaabag ubos sa Sunrise Event, Inc. nga midaug og titulo isip Organizer of the Year (Private).
Ang Shangri-La's Mactan Resort & Spa, nga midula og importanteng papel sa pagsuporta sa Asia's top annual sporting event, mibitbit og Hotel of the Year Award.
Ang Pagcor nga giisponsoran sa PSTA, gipasiugdahan sa Selrahco sukad 2015, nag-ila sa pribadong grupo ug sa gobyerno ug mga asosasyon nga nitampo sa pagpromotar sa turismo apil na ang pagdebelop sa paugnat sa kusog pinaagi sa paglusad og samang mga kalihukan sa lugar.
Namulong “on behalf” sa dakbayan sa Lapu-Lapu ug sa probinsiya sa Cebu, si Princess Galura, general manager sa Sunrise Events, Inc nagpadayag og kalipay sa pagdaug sa maong mga pasidungog.
“We are happy to be recognized and appreciated by this award. The Cebu Asia Pacific Ironman event has been acclaimed by Ironman itself as best organized event in its network and now this,” matud niya.
Samtang ang nominasyon alang sa 2018 Philippine Sports Tourism Awards abli na hangtud sa Marso 31, 2019. Alang sa dugang impormasyon, palihug kontaka si Mr Gabe Tomboc sa gabe.selrahco@gmail.com o tawag sa 032.415.5951.