KON MAAYO nga panahon man ang nasinati halos tibuok adlaw karong adlawa Huybes, Disyembre 27 dinhi sa kabisay- an, kinahanglan di kita mokompyansa.
Kay matud ni Jhomer Eclarino, weather specialist sa PAGASA Mactan nga posible sugod karong gabii masinati na ang mga hinay ngadto sa kasarangan ug panagsang kusog nga mga pag-ulan.
Hangtud na kini tibuok adlaw, Biyernes, Disyembre 28. Diin ugma sa buntag, gipanlantawan nga mokusog gikan sa tropical depression ngadto na sa tropical storm ang bagyo nga Usman, una kini gilantawan nga mohimo pag-landfall sa Eastern Samar sa hapon.
Ang tibuok tunga-tungang' kabisay-an ang gipanlanatawan nga makasinati sa hinay ngadto sa makusog nga pag-ulan ugma hangtud na usab sa Sabado.
Gani usa ang amihanang bahin sa probinsya sa Sugbo, lakip na ang isla sa Camotes ang gipaubos na sa Storm Signal Number 1.
Mga panimay nga anaa nahimutang sa bahaanon ug dahilian og yuta ang giawhag na daan sa paghiklin.