SAMA ni Bayani Agbayani, Kapuso na sab karon ang ABS-CBN actor nga si Joross Gamboa.

Kung si Bayani namahayag nga sa GMA na siya maniguwang ug di na gayud mobiya sa network, si Joross, andam gihapong mobalik sa ABS-CBN.

Sa kasamtangan, usa sa mga projects ni Joross sa GMA mao ang bag-ong teledrama nga First Time.

Matud ni Joross nga wala siya'y unsa mang kaligutgot o kasuko sa ABS-CBN ug ang iyang pagtrabaho sa GMA, kabahin lamang gayud sa iyang pagka-artista.

Giklaro ni Joross nga didto siya kung diin siya may trabaho.

Anyway, nalipay sab si Joross kay dali lang siyang na-kampante sa GMA 7 tungod kay daghan na siyang mga friends nga Kapuso talents bisan kaniadto pa.

Gawas sa maayong role ni Joross sa First Time, kauban sab siya sa SRO Cinemaserye episode ni Christopher de Leon nga magsugod karong gabii.