DEAR Tita Heart,
Good morning tita ug sa suki sa SuperBalita. Akong problema tita kay wala pa ko kauyab kay gusto ko maghuman sa pagskwela. Naay nanguyab nako tita nga crush gyod kaayo nako. Dili man pod ko gusto nga gubaon akong promise nga dili sa mag uyab-uyab hangtod dili mo graduate. Unsa akong buhaton tita kay galibog kaayo ko.
Allysa
***
Hello Allysa,
Kung alang kanimo dili gusto nimo mawala ug mabalewala imong promise sa kaugalingon nga dili mag-uyab hangtod sa pag graduate ayaw sugta. Kung tinoud nga love ka sa imong crush makahulat siya nimo hangtod sa imong pag graduate. Sa imong pangidaron kinahanglan pa kaayo ka magpokos sa imong pagtoun ug dili ang pag-uyab uyab.
Tita Heart