Dear Tita Heart,
Tawaga lang ko og Chevron Casas, taga Davao ko pero naa ko sa Cagayan de Oro karon kay nakabuntis ko, dayon suko kaayo iyang papa sa akoa. Unsa man akong angay buhaton nga ipapauli man jud ko sa akong ginikanan didto sa amoa. Usa pud gimingaw na ko sa ila pero mahadlok man ko mu uli tungod sa amahan sa babae. Tabangi ko Tita Heart, ga libog ko og huna-huna ana nga butang.
Chevron
Hello Chevron,
Mas maayo nimo nga buhaton nga hulatan nimo nga mawala na ang kalagot sa papa sa imong nabuntisan kay basta bag-o pa di gyud na malikayan nga makasulti og dili maayo nga pulong ang amahan. Maayo siguro nga samtang dinhi ka sa Cagayan de Oro nagtago pangita og trabaho aron makatigom ka. Makahatag ka sa babae og panggasto preparasyon sa iyang pagpanganak. Agwantaha ang kamingaw kay unsaon man giuna man ninyo ang palami-lami kaysa magplastar unta og una.
Tita Heart