TARGET sa lima ka ahensya nga walay kaswalidad sa kasaulogan sa Pasko ug Bag-ong Tuig.
Ang Department of Health (DOH), Department of Interior and Local Government (DILG), Philippine National Police, Bureau of Fire Protection (BFP), ug Department of Trade and Industry nagkahiusa sa kampanya batok ginadili nga pabuto.
Natapos ang Pasko nga malinawaon ug taliwala dunay usa ka nabuthan dili kini kaayo grabe.
Malaumon ang nga walay bisan usa nga madala sa balay tambalanan niining pagtabo sa Bag-ong Tuig.
Gibutyag ni Dr. Dave Mendoza sa DOH nga likayan na gyud ang pagamit niini ug kung mamatikdan adunay mohimo sa pagpabuto ireport dayon sa kapolisan.
Ang kapolisan nagpagawas sab dayon og listahan sa mga ginadili nga mga pabuto ug kini gilangkoban sa piccolo, super lolo, atomic triangle, large judas belt, large bawang, Pillbox, bosa, goodbye Philippines, bin laden, mother rocket, lolo thunder, coke in can, atomic bomb, pla-pla, giant whistle bomb, kabasi, ug watusi.
Apan matud ni City DILG Head Jane Doncallos nga bantayan sa mamalitay ang gibug-aton sa pabuto tungod gabantayan sab niining mga mamaligyaay ang kapolisan ug usahay gailisan og mga pangalan.
Samtang ang BFP nipaabot sab nga likayan ang pagamit sa sky lantern kay basin magsinugdan kini sa sunog. (SVB)