IPAHIGAYON ang swimsuit competition sa 20 ka mga maanyag nga kandidata, nga magtigi sunod tuig Enero 2019, sa Miss Kuyamis 2019 karong Sabado, Disyembre 29.
Ang swimsuit competition ipahigayon sa Lohas Hotel sa lungsod sa Laguindingan, Misamis Oriental.
Gibutyag ni Atty. Jeffrey Saclot nga bulag-bulag ang kalihokan sa Miss Kuyamis ug sa Enero 10, 2019 sa Tagoloan Dome ipahigayon ang Coronation night niini.
Ang dakbayan sa Gingoog ug lungsod sa Claveria ug Kinoguitan ang wala milakip ning panahona.
Ang mga kandidata gilangkoban nila ni Kyle Marie Inzo sa Alubijid; Cejay Diane Domo sa Balingasag; Hiyasmin Caputol sa Balingoan; Mary Faith Ladra sa Binuangan; Cris Antonette Teano sa El Salvador City; Jeza Christyl Relevo sa Gitagum; Ruby Myr Brito sa Initao; Zon Karla Cabeltes sa Jasaan; Mhedi Ali Mar Villaruz sa Lagonlong; Rendy Mae Castrodes sa Laguindingan; ug Aira Dawn Rivera sa Lugait.
Samtang lakip sab sa misalmot sila si Nina Dianne Beltran sa Magsaysay; Rizalyn Bongcawel sa Manticao; Chella Grace Falconer sa Medina; Ingrid Michel Carumbana sa Naawan; Jazmine Clarino sa Opol; Nicky Daffodil Bullecer sa Salay; Chery Rose Lomopog sa Sugbongcogon; Maria Luz Victoria Delos Angeles sa Tagoloan; ug Justine Miles Abe-abe sa Villanueva.
Sa iyang bahin ni Governor Bambi Emano iyang gibutyag nga nagkadugay nagkanindot ang kalihokan sa Miss Kuyamis tungod ang mga mananaog niini moabot pa sa national ug international level. (SVB)