GIWATAS-WATAS ang mga binuhing mananap sa Barangay Mohon, lungsod sa Tagoloan, Misamis Oriental.
Nadiskubre sa mga residente Huwebes sa buntag, Disyembre 27, nga bukog ug panit nalang ang nabilin sa upat ka kanding nga gipangaon ug gisuyop ang dugo lakip pa gikibkib ang sungay.
Gisuspetsahan sa mga residente sa maong dapit nga kon dili sigbin, wak-wak ang nihimo niini tungod imposible kaunon kini og mga iro nga “high breed” o dagko ang klase sa maong mga kanding.
Naguol ang katawhan sa maong dapit nga basin sunod nga biktimahon sa mga niini ang mga binuhing baka.
Gikatakdang susihon kini sa veterinarian kon unsa ang nikaon niini.
Apan daghan sab nagduda nga basin unya og dagko nga iro ang mihimo niini.