Unsay mapaabot sa showbiz sa 2019?

BULAHANG bag-ong tuig kanatong tanan! Sa pagsugat nato sa 2019 daghang mga bag-ong programa ang atong nuntan.

Syempre daghan na ang nag-atang sa atong bersyon sa “American idol” nga mao ang “Philippine idol” diin ang “Asia’s Songbird” Regine Velasquez Alcasid ang usa sa mga hurado.

Sa teleserye, gawas kang Angel Locsin nga human sa lima ka tuig, balik-bida kini karon sa “The general’s daughter.”

May comeback serye usab si Cristine Reyes sa “Nang ngumiti ang langit” human niadtong iyang “Tubig at langis” sa 2016.

Makauban niya dinhi silang Matet de Leon, Enzo Pineda, Rk Bagatsing ug ang nagbalik kapamilya nga si Kempee de Leon.

Human usab sa daytime serye nga “Dalawa ang puso ko”, si Jodi Sta. Maria balik-heavy drama sa seryeng “Mea Culpa: Sino ang may sala?”.

Balik primetime usab ang aktres ug makauban niya dinhi silang Bela Padilla, Sandino Martin, Ketchup Eusebio, Kit Thompson, Ivana Alawi ug ang Tony Labrusca.

Kini silang tanan ang gipasanginlan nga nag-kuha sa anak ni Jodi sa maong teleserye.

Makita sab dinhi silang Janice de Belen, Ayen-Munji Laurel ug John Arcilla, ang “Mea Culpa: Sino ang may sala?” hatud sa Dreamscape production ug sa direksyon ni Dan Villegas.

Samtang duna say upcoming horror movie si Jodi Sta Maria, ang “Clarita”.

Sa laing bahin, showing na ang horror thriller nga “Eerie” nilang Charo Santos ug Bea Alonzo sa unang quarter sa 2019.

Makita usab nato sa Star Cinema ang unang screen team-up nilang Jennylyn Mercado, Richard Guttierez ug JM de Guzman sa “Heart of mine”.

Duha ang atong atangan sa Black Sheep production, ang bag-ong pares nga silang Arci Muñoz ug JC Santos sa “Open” sa direksyon ni Andoy Ranay.

Samtang ang biggest break sa loveteam nga “Mclisse” McCoy de Leon ug Elisse Joson mogawas sa “Sakaling maging tayo” sa direksyon ni JP Habac.

Mao kini ang pipila sa atong mga paabuton sa 2019, busa bulahang bag-ong tuig kanatong tanan!

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph