GIPAABOT nga maminosan na ang suliran sa power shortage sunod semana tungod sa pagbukas na sa planta sa Toledo City nga iya sa Cebu Energy Development Corporation (CEDC).

Ang CEDC mopahigayon og testing sa planta karong Dominggo ug sa Lunes mohatag na kini og kuryente sa Visayan Electric Company (Veco).

Click here for stories and updates on the Sinulog 2010 Festival.

Si Ethel Natera, tigpamaba sa Veco, nipasabot nga ang Veco isip distributor mag-agad ra gyud sa supply nga ihatag kanila sa mga power supplier.

Matod ni Natera nga di nila gustong dunay mga brownout apan mapugos sila kon magkuwang gyud og supply sa kuryente.

Gawas sa buksan nga planta sa CEDC, mabalik na usab sa operasyon ang mga planta nga gipaubos sa preventive maintenance.

Ang giayo nga Mahanagdong Power Plant sa Tongonan Leyte mobalik sa pag-operate karong Pebrero 16 ug kini mohatag og P120 megawatts samtang ang Cebu Thermal Power Plant 1 nga gisirad-an niadtong Enero 23 mobalik og operate karong Pebrero 23 diin kini makahatag og 50 megawatts. (CPL)