SA KASAYSAYAN sa atong nasud, kasagaran sa mga presidente nga nanglabay magpakontrol sa relihiyon ug natural sa 2018 nga kon census 83,382 milyon sa mga Pilipino anaa sa relihiyong Romano Katoliko, kini tungod kay ang atong gobyerno kanhi, ubos sa pagdumala sa Simbahang Katoliko sa dihang kolonya pa kita sa Espanya.
Mao sab didto sa Estados Unidos ang relihiyong Protestante Baptist Church mao ang nagdominar sa nasud sa America, nga bisan gani og mo-apply ka og trabaho bisag kuwalipikado ka pa, kung wala ka’y rekomendasyon gikan sa dominanteng relihiyon sa maong nasud dili ka dawaton.
Ang ikatulong presidente sa Estados Unidos si Thomas Jefferson maoy nakapa-usab niini pinaagi sa iyang pag-petisyon sa Supreme Court, ug kini gidawat ug gisukip sa ilang Constitution nga dawaton ang mga mag-apply og trabaho pinasikad sa ilang kurso nga natapos, ug dili sa rekomendasyon sa relihiyon.
Tungod kay kopya man ang atong batakang balaod sa Estdos Unidos, mao nga aduna na kita’y gitawag og “Separation of church and state”, gituman kini sa dominanteng relehiyon sa America -- ang protestante.
Dinhi sa atong nasud, wala kini girespito sa relihiyong Katoliko, padayon ang ilang pagpanghilabot sa pagpadagan sa atong gobyerno. Gusto nila, kon mahimo palang, sila ang masunod, mao nga gikan sa kasaysayan sa nanglabayen’g presidente, saludo sila ug yukbo ngadto sa ilang leader.
Pero, ning abot ang panahon nga ang ika 16 nga presidente sa Pilipinas nga si President Rodrigo Roa Duterte, di kini magpakontrol sa relihiyon, bisan tuod Katoliko ang iyang relihiyon, apan dili siya magpadekta, ug kini makatarunganon tungod kay iyang gituman ang mando sa atong Batakang Balaud.
Dili gyud pwedeng sagulon ang tubig ug ang lana, og kini, mao ang simbahan ug ang gobyerno, tungod kay ang simbahan nagatudlo sa pagkaperpekto aron di makasala ang tawo; apan bisan pa niini, dili gani perpekto ang mga dagkong pangulo sa simbahan, daghang Pari ug Obispo ang nangmolistiya og mga menor de edad sumala sa gibulgar na sa Santo Papa Pope Francis.
Ang atong Balaang Kasulatan nag-ingon, ayaw paghukom aron dili ka hukman. “For all have sinned and fall short of the glory of God.” Romans Chapter 3:23. Ang ato lang, respituhon sa gobyerno ang simbahan, ug labaw sa tanan respituhon sa simbahan ang atong gobyerno.